ചിതറിയ ചിന്തകൾ

മഴക്കാലവും വേനലും വസന്തവും നമ്മൾ  തന്നെയായിരുന്നു.. പക്ഷികളുടെ  കലപില ശബ്ദങ്ങൾ .. വൃക്ഷം തന്റെ  ശിഖിരങ്ങൾ കൊണ്ട് മെല്ലെ ഇളം കാറ്റിനെ മുത്തമിട്ടു .. കാറ്റേറ്റ് ഞെട്ടറ്റു വീഴാൻ കൊതിക്കുന്ന പഴുത്തിലകൾക്ക്  .. താഴെ കുസൃതികൂട്ടങ്ങൾ  കാത്തിരിക്കുന്നുണ്ട് .. ഇലയിൽ  മണ്ണപ്പം ചുട്ടു  കളിക്കാൻ .. പിന്നെ, ഗമയിൽ അങ്ങിനെ രാജാവും രാഞ്ജിയും പോലീസും കള്ളനും   കളിക്കാൻ.. സുവർണ്ണ നിറമുള്ള പഴുത്ത പ്ലാവില തൊപ്പികൾ  ..!! കളികൾ പുരോഗമിക്കുകയായി.. കുട്ടികൾ കിളികളായി മാറി .. "കിയോം കിയോം കിയോം കിയോം കുഞ്ഞി കുരുവി ഞാൻ..  മഴക്കാലത്തു  കിടന്നുറങ്ങാൻ ഇടം തരുമോ നീ"... എത്ര കളിച്ചു നമ്മൾ ..!! മഴക്കാലവും വേനലും വസന്തവും നമ്മൾ  തന്നെയായിരുന്നു.. കാലം ബാല്യത്തിൽ നിന്നും ജീവിതത്തിലേക്ക്  പുരോഗമിക്കുമ്പോൾ ഞാനും നിങ്ങളും ഒരിക്കൽ അയല്പക്കങ്ങളിലെ, നാട്ടിലെ  കളിക്കൂട്ടുകാർ ആയിരുന്നു .. ഇന്നിപ്പോൾ തലകുനിച്ചിരിപ്പാണ് നെറ്റിന്റെ മാസ്മരിക ലോകത്ത് .. നെറ്റിന്റെ ആത്മാവ് ഇടക്കിടെ മരിക്കും അങ്ങിനെ ചിലർ തല ഉയർത്തി നോക്കുന്ന...

മണ്ണാർക്കാട് ട്രാഫിക് പരിഷ്കരണം സൊലൂഷൻ അഥവാ പരിഹാരമാണ് വേണ്ടത്. സമരം ഒരു പരിഹാരമല്ല,  ബദൽ മാർഗ്ഗങ്ങൾ കണ്ടെത്തി ഗതാഗത പ്രശ്നം ഇല്ലാതാക്കാൻ പ്രായോഗിക നടപടികൾ ആണ് വേണ്ടത്. ജംബോ കമ്മിറ്റികൾ ഉണ്ടാക്കി തെരുവിൽ ശബ്ദ ഗരിമയോ പ്രകടനമോ നടത്തുന്നത് വെറും പ്രതിഷേധം മാത്രമാണ്. പരിഹാരം ആണ് വേണ്ടെതെങ്കിൽ വിഷയത്തിൽ പഠനം നടത്തി ബദൽ ഗതാഗത രീതി സമർപ്പിക്കാൻ കഴിയണം. ഇവിടെ സമരം വെറും നിലവിളിയായി മാറുന്നു,അത്കൊണ്ട് മണ്ണാർക്കാടിന്റെ ഗതാഗത പ്രശ്നം ഒരിക്കലും പരിഹരിക്കപ്പെടുകയില്ല. പ്രതിഷേധങ്ങള്പോലും ഇന്ന് ഗതാഗത കുരുക്ക് ആണ് മണ്ണാർക്കാടിന്. ദീർഘ കാലാടിസ്ഥാനത്തിലുള്ള വലിയ പരിഹാരം എന്നത് നമ്മളൊക്കെ കുറേക്കാലമായി കേൾക്കുന്ന ബൈപ്പാസ് റോഡ് ആണ് വട്ടമ്പലം - ചൂരിയോട് ബന്ധിപ്പിക്കുന്ന ബദൽ റോഡ് ,അത് വെറും സ്വപ്നമായി നിൽക്കുന്നുണ്ട്. നിലവിലെ ട്രാഫിക് പ്രശ്നത്തിന് സഞ്ചാര സമയ ക്രമീകരണങ്ങൾ ആലോചിക്കാവുന്നതാണ്. തിരക്കുള്ള ദിവസങ്ങൾ രാവിലെ ഇത്ര സമയം മുതൽ ഇത്ര സമയത്ത് ബൈപാസ് വഴി,അല്ലെങ്കിൽ വലിയ വാഹനങ്ങൾ മണ്ണാർക്കാട് പ്രവേശിക്കാതെ തിരിച്ചുവിടൽ, പ്രവേശനത്തിന് സമയം ക്രമീകരിക്കൽ .തുടങ്ങിയ രീതികൾ പ്രായോഗികമായി കണ്ടെ...